TACLOBAN CITY – Nagpapabilin nga hitaas an presyo hiton bugas ha mga tindahan ha Sinirangan Bisayas ha kaluyo hiton kadamo han suplay hine kun diin nakikita nga waray pagkiwa o kun stable an pamresyuhan hine.
Ginmalatumat han Department of Agriculture VIII nga paubos na iton suplay han local rice ha Sinirangan Bisayas.
Pero sumala kan Frederick Dy, Presidente hiton Grains Retailers Confideration Eastern Visayas, nahipapausa hiya kun kay-ano dire pa naubos an presyo hiton bugas bisan pa man kun mayda umabot nga local rice tikang ha Mindanao ngan an umabot nga yinukot-yinukot nga tonelada hiton imported rice nganhi ha Pilipinas.
Dugang pa hine nga hapagkayana an presyo hiton local rice ha mga bugasan in nakigtupong ha presyo hiton imported ngan danay in mas hitaas pa.
Samtang naglalaum naman hi Dy nga pag-abot hiton harvest season hiton bugas ha mga masunod nga mga bulan in dako iton hahabu-buan iton presyo hine agud nga magin abot kaya ine ha mga mamaralit.
