TACLOBAN CITY – Ginpahayag han pira nga mga meat vendors ha Tacloban nga nagpapabilin la gihapon nga hitaas an presyo han karne ha merkado ha kaluyo nga hinay-hinay na nga nahitaas an suplay hini ha syudad.
Una hini, nagdedeliver na hin suplay hin baboy ha Tacloban tikang ha Davao nga dako naman nga bulig para ha mga meat vendors ha ira mga pakabuhi.
Sumala kan Lonloy Go, usa nga meat vendor ha Tacloban City Supermarket, ha kaluyo nga may nagdedeliver na hin baboy ha ira hitaas la gihapon an presyo hini tungod nga hitaas an ira palit tikang ha supplier.
Aminado naman ini nga kulang la gihapon hira hin customer ha pagkayana tungod nga damo la gihapon an namamahalan ha presyo hini.
Nahibaruan nga an pagsarang han African Swine Fever ha rehiyon an usa ha mga rason han kakulangan han suplay han baboy ngan tigda nga paghitaas han presyo han kada kilo hin karne.
