TACLOBAN CITY – Umubos hin P1 an presyo han bugas yana nga bulan han Abril ha Sinirangan Bisayas.
Ini in basar han monitoring han Eastern Visayas Grains Retailers Confederation, kun diin, aada ha P1 an gin-iban han presyo han bugas sugad man P50 naman an nakitaan nga pag-ubos ha kada sako hini.
Sumala kan Eastern Visayas Grains Retailers Confederation President Frederick Dy, nga ini nga paghamubo in mahitungod ha supresyente nga suplay han bugas ha mga merkado rehiyon ngan ha nagpapadayon gihapon nga harvest hiton mga kahumayan yana nga bulan.
Usa gihapon nga rason in an nakatalaan nga quota ha mga imported rice nga kun diin, gintatagan hin prayoridad ha pagkayana an lokal nga bugas sanglit dire gud dako iton gastos ham importation costs han gobyerno.
Samtang naglalaum naman hi Dy nga ha mga masunod nga bulan in magsusunod-sunod na iton pandeliver han local rice sugad man an mga bag-o nga imported rice nga makakapag-dugang hiton stock ha rehiyon nga makaka-pagpahamubo naman hiton presyo hini.
