-- Advertisements --
NATIONAL – Iginpahayag ni President Ferdinand Marcos Jr. nga andam hiya nga makigsabot ha China kun ig-undang hini an pan-harass ngan pag-angkon ha mga teritoryo han Pilipinas.
Subay han presidente, kinahanglan ig-undang han China an paggamit hin laser ngan water cannon, panhaharass ha mga purupangsida, coast guard ngan navy han Pilipinas, pati na gihapon an pagbunggo ha mga sakayan pandagat han nasod.
Kun buhaton ini han China, igpapatanggal ni Marcos an United States Typhoon missiles nga aadi yana ha Pilipinas.
Ini an nagin pahayag han presidente kasunod han panawagan han China nga tanggalon an missile system han Amerika nga orihinal nga nakadto ha rehiyon han Ilocos ngan ha pagkayana in ginbalhin ha iba nga lokasyon ha Luzon.
