NATIONAL – Ginlalauman han Philippine Ports Authority (PPA) nga andam na an mga pantalan ha nasud para han ginlalauman nga pagdamo han mga pasaheros ha tiarabot nga Semana Santa.
Ha usa nga pahayag, ginsigurado han ira buhatan nga andam, malimpyo, ngan talwas an mga pantalan para ha mga manarakay nga mabiyahe ha nasabi nga adlaw.
Kaunod hine in nagdumara naman hin pauna ngan inisyal nga inspeksyon an PPA ha mga pantalan ha pangunguna ni PMO-NCR North Port Manager Jenneliza Rebong para ha mas hapsay ngan hassle-free nga biyahe han mga pasaheros.
Samtang, kasumpay hine in ginpagawas an Special Order No. 19-2025 OPLAN BIYAHENG AYOS kun diin ha ilarom hine in igpapatuman na an heightened alert status ha mga pantalan agud mapabilin an mahugot nga seguridad ngan sakto nga manpower para ha mas madagmit nga pag-aksyon ha mga panginahanglan han mga pasaheros.
