TACLOBAN CITY – Kadungan han selebrasyon han Teenage Pregnancy Awareness Week yana nga Pebrero, nagpahayag hin pagkabaraka ngan pagkaalarma an Commission on Population (POPCOM) Regional Office bahin han nagtitikahitaas nga ihap han teenage pregnancy ha rehiyon.
Una hini, subay ha datus han Philippine Statistics Authority (PSA), umabot ha sobra 7,000 an ihap han teenage pregnancies ha rehiyon han nakalabay nga tuig 2019 kun diin nagtitikabata an edad han mga kabataan nga nabuburod hin timprano.
Sumala kan Melanie Alberto, Assistant Regional Director han POPCOM 8, posible pa nga humitaas an mao nga ihap han naglabay nga tuig 2020 tungod han mga lockdown nga ginpatuman tikang han pagbutho han COVID-19 pandemic.
Nahibaruan nga han tuig 2019, maabot ha 8 nga mga teenage mothers ha rehiyon an nagburod ngan nag-anak ha edad nga 13 samtang adton mga kabataan nga nag-eedad 19 anyos paigbaw nga nagburod ha mao gihapon nga tuig in umabot naman ha ihap nga 3,009
