TACLOBAN CITY – Mahugot an ginbubuhat nga kampanya yana han Population Commission (Popcom region 8) bahin han pag paubos han kaso han teenage pregnancy ha rehiyon.
Ini an gintagaan hin duon ni Reyan Arinto, tagapagyakan han Popcom region 8 ha interview ha Good morning philippines durante han adlaw han kasingkasing.
Sumala kan Arinto nga maupay ini nga panahon nga maiduso an ira adbokasiya.
Gindidiscourage liwat han mao nga buhatan an timprano nga pagbuburod para ha mga kabataan.
Sumala kan Arinto nga risky man gud para ha mga kabataan nga timprano nga nagbuburod tungod nga sobra pa ini kabata agud nga magdara hin bata ha iya sinapupunan.
Labot la ha burod in delikado liwat ini para ha iya ginbuburod nga bata.
Manunumduman nga usa nga 10 anyos nga daragita tikang ha NCR an nahirecord nga pinaka bata nga nagburod ha pilipinas
Amo sumala kan Arinto nga mas maupay gud nga ada an kag-anak agud nga giyahan hin maupay an ira mga anak.
Labot hini in dapat liwat nga maaram an kag anak ha pag handle ha mga pakiana han mga kabataan parte himangrawun sekswal ngan tutduan an mga ini hin sakto nga impormasyon hilabi na ha sakto nga edad.
