-- Advertisements --
NATIONAL NEWS– Gindepensaran han Philippine National Police (PNP) an ginhihimo hine nga ‘Oplan Katok’ para ha pag-kontra han mga dire rehistrado nga pusil.
Ginpahayag ni PNP chief, Gen. Rommel Marbil nga an nasabi nga pitad in nasusubay ha balaod ngan ine in proactive initiaitive para masigurado an pagigin responsable an mga tag-iya hiton pusil.
Utro hine nga gindig-unan nga dire ine usa nga klase hiton pantarhog ha mga pulitiko matungod nga harani na mangud an piniliay.
An nasabi nga pitad in nasusubay ha Comprehensive Firearms and Ammunition Regulation Act.
Pag-esplikar gihapon hine, aabisuhan an mga kapulisan nga mga sibilyan nga kinahanglan ig renew an ira na-paso nga rehistro han pusil o igsusurender ine samtang dire pa narerehistro.
