NATIONAL – Palusot la daw an rason han mga negosyante nga malulugi an mga ine ha oras nga magin balaod an kadugangan nga P200 ha inadlaw nga sweldo han mga empleyado ha pribado nga sektor.
Sumala kan House Assistant Minority Leader Arlene Brosas, ha kamatuuran daw, an mga empleuado an nagsa-subsidize ha kita han mga negosyante tikang ha gutiay nga sweldo han mga ine.
Apela pa ni Brosas ha mga negoyante, mahingaawod an mga ine ha pag-baribad ha wake hike mahitungod nga an mga ine an nagkakatagamtam ha Corporate Recovery and Tax Incentives for Enterprises o CREATE Act ngan damo pa daw an ira tax incentives ngan privileges ha ilarom han CREATE MORE Law.
Nag-apela gihapon ine kan Presidente Ferdinand Marcos Jr. nga ig certify as urgent bill an balaudnon nga P200 wage hike ha private sector workers.
Natuod naman ine nga mayda sakto nga panahon an Kamara agud paghingadayan ine ha plenaryo mahitungod nga nahihimo man daw han mga ine nga magpabilin hin mag-aga ha budget hearing, anu pa daw an ha dugang nga benepisyo para ha mga empleyado.
Dire man daw supresyente an dugang nga P200 in dako nga bulig na ine pandugang ha budget han mga empleyasdo ha kaluyo han padayon nga paghitaas han presyo han mga papliton ngan serbisyo.
