TACLOBAN CITY – Iginsuhestsyon han kontrobersyal nga hi Police Lot/Col Jovie Espenido ha mga kandidato nga kaupod ha narcolist nga ginpagawas ni Presidente Rodrigo Duterte nga mas maupay nga magwithdraw nala an mga ini ha ira tagsa-tagsa nga kandidatura yana nga tidaraon nga midterm elections.
Sumala kan Police Lot/Col Espenido, hepe han Ozamiz City PNP, mismo hi Presidente Duterte na an nagpagawas han mao nga listahan han mga pulitiko nga may kalabutan ha ilegal nga droga sanglit iginsuhestyon hini nga magwithdraw nala an mga ini hin candidacy ngan magresign an mga ada ha pwesto.
Nagtutuo gihapon hiya nga validated an mao nga listahan ngan umagi ini ha sakto nga proseso.
Nanawagan naman ini ha publiko nga diri magkarag hin botos yana nga eleksyon ngan pilion an mga kandidato nga angay nga lumingkod ha pwesto.
Police Lot/Col Espenido, hepe han Ozamiz City PNP
