NATIONAL – Target han buhatan han Department of Agriculture nga igdelatar an pagpahamubo ha Maximum Suggested Retail Price (MSRP) han mga imported nga bugas.
Ini in mahitungod na gihapon ha mga diri ginlala-oman nga epekto ha pankalibutan nga merkado nga durot han kasamok ha Middle East.
Sumala kan Agriculture Secretary Francisco Tiu Laurel Jr., an pag-iban ha MSRP para ha broken rice nga 43 ka pesos kada kilo ha pagsulod han bulan han Hunyo in iglalangan la anay mahitungod ha epekto han nasabi nga kasamok.
Manunumduman nga nagpapabilin an MSRP para ha imported rice ha 45 ka pesos kada kilo tikang pa han nakalabay nga Marso 31, 2025.
Gintagan naman hin du-on han opisyal an posible nga geopolitical risks mahuman nga manginlabot an Estados Unidos ha giyera han Iran ngan Israel.
Ha kaluyo hini, nagtutu-o hi Laurel nga puydi igpadayon han ahensya an plano nga pagpahamubo ha MSRP ha mga imported nga bugas ha bulan han Agosto, 2025.
