TACLOBAN CITY – Ginpapagplanuhan han National Irrigation Administration o NIA nga magdugang ngan butanagna pa hin mga irrigation projects ha tulo nga mga probinsya han Samar Island agud nga makabulig ha mga parag-uma.
Sumala kan NIA-8 Regional Manager Jaime De Jesus, nga nagkamayda na hin pag isstudyo ngan feasibility study partikular na ha Pambujan ngan Bayog Valley irrigation projects ha Northern Samar.
An Bayog Valley in mayda 1,400 ka ektarya, ngan 3,000 ka ektarya naman ha Pambujan nga makakapaghatag hin serbisyo han patubig.
Ha datos, in mayda tulo nga mga irrigation projects an nakatalaan mahuman sugad han Santa Rita III, Calbiga, ngan Gandara-Pologon Irrigation Projects nga akos makahatag hin patubig ha masobra 1,000 ka ektarya hin umhanan.
Samtang, ha Eastern Samar naman in mayda na pag eestudyo han Llorente-Balangkayan irrigation project nga ginkikita nga makakabulig ha sobra 2 mil ka ektarya hin umhanan.
