BUSINESS – Huminay an kabalyo han piso ha P57.45 kontra dolyar, an pinakamahinay nga lebel tikang han Marso 26, 2025, subay ha Bankers Association of the Philippines (BAP).
Subay ha mga ekonomista, posible nga magpabilin nga mahinay an piso mahitungod ha naeeksperyensyahan nga tensyon ha Middle East ngan Europa, sugad han presente nga kasamok ha Israel ngan Iran.
Bisan man kun dire ine ginlalauman nga magdudurot hin dako nga epekto ha inflation, posible ine nga makaapekto ha kita han mga exporter ngan manufacturing sector.
Ha kaluyo nga bahin, umubos gihapon an Purchasing Managers Index (PMI) han nasud ha 50.1 dida han Mayo, tikang ha 53 dida han Abril, indikasyon han paghinay han performance han mga pabrika ha nasud.
Nagpahimatngon na gihapon an mga ekonomista nga posible humurak an mga produkto han China ha Pilipinas mahitungod ha mga bag-o nga taripa nga ginbutang han US nga posible naman daw makaupod ha local production ngan trabaho.
