PALOMPON, LEYTE – Pira nga mga post hin panarhog ha usa nga iskuylahan ha Palompon, Leyte an nagsarang ha social media.
Sumala kan Palompon Municipal Police Station Officer-in-Charge, PCapt. Rushty Alvarado, 14-anyos nga batan-on an nagpasarang han nasabi nga mga post, kun diin sumala hini, ginbu-bully hiya ira iskuylahan mahitungod gihapon han iya kaarot.
Basar han imbestigasyon, nagawas nga nakuhaan gihapon hin gutiay nga pisaw an bag han menor de edad kun diin sumala haiya, in panhiwa la hin mangga, ngan ginsurender naman ini han iya mga classmate haira maestra.
Ha nasabi nga post, ginmalatumat han 14-anyos ng batan-on nga igsusunod niya an Palompon kahuman han insidente hin bomb threat ha Tacloban City nga naghatag naman hin pagkabaraka ngan kahadlok ha mga istudyante.
Sumala kan Alvarado, mahuman nira ma-trace ngan ma-locate an biktima in gin amin hini nga hiya an nag-post han pira nga mga panarhog nga nagsarang online.
Samtang, posible naman nga dad-on ha usa ha mga Bahay Pag-asa an menor de edad mahitungod han iya violation.
