TACLOBAN CITY | Pira nag mga personahe nga nakatudlok ha Calbiga Bridge gintanggal na ha pwesto, mahuman nga gumawas an alegasyon hiton usa nga truck driver nga daw in mayda nagpapakalusot nga mga heavy truck nga lahos ha load limit nga 15 tons kabalyo hiton salapi nga nagkakantidad hiton P3K.
Dayon naman nga nagpalusad hin kamanduhan an Department of Public Works and Highways (DPWH) – Samar 2nd District Engineering Office agud nga makagbug-os hin imbestigasyon ha nasabi nga alegasyon hiton irugalaridad ha nasabi nga tulay.
Sakop han Imbestigasyon iton masunod;
Pagberipika han kabutang ngan pamaagi ha pagpatuman han
load limit; Pagberipika a mga personahe nga naka-duty hiton gab-i ngan kun nasusunod an direktiba ha ira. Pag-record hiton dokumento han ngatanan nga panhitabo nga may-ada trak nga nag-negosasyon paglabay;
Pagdetermina kun may-ada natatabo nga panginginkil, paboritismo, pamugos, o pan-abuso han awtoridad;
Nagpahibaro naman ine ha ngatanan nga naagi, o taga Calbiga in dire mag-alang nga magsumat kun may makit-an an mga ine nga iregularidad, illegal ngan dire sakto nga buruhaton, agud nga mapagbaton an mga ine pinaagi hiton Civil Service rules, administrative laws, ngan regulasyon han DPWH.
