INTERNATIONAL – Nag-angkon hin magkadurudilain nga reaksyon an nagin pahayag ni US president-elect Donald Trump, nga kun lumingkod hiya ha pwesto in magdudugang ine hin 25% nga taripa ha tanan nga mga produkto nga masakob ha Estados Unidos ilabi na ha Canada ngan ha Mexico.
Panuyo hine nga masolbar gihapon an mga iligal migrants nga nasulod ha Amerika.
Dugang pa hini nga mayda gihapon 10 nga igdudugang ha taripa ha mga produkto naman nga tikang ha China para mabantayan an pagsakon han droga ilabi na an fentanyl.
Kasumpay hine in igin-pahayag naman ni Mexican President Claudia Sheinbaum nga an pagpapatuman hin mas hitaas nga taripa in diri makaka-solbar ha problema han iligal migrants ngan sisiguruhon gihapon hine nga mabawi hira ha pagdudugang gihapon hin mga taripa.
Gintawagan naman ni Canadian Prime Minister Justin Trudeau hi Trump mahuman an anunsyo hine ngan igin-pahayag nga andam naman ine nga magkaada hin “constructive way” nga makatrabaho hi Trump.
Samtang, an Chinese embassy ha Washington in nagtotoo nga mutually beneficial an economic ngan trade cooperation nira ha Amerika tungod nga waray magdadaog ha trade war o tariff war
