Ginpahayag han militar han Iran dida han Hwebes nga tatargeton hini an anuman nga sarakyan-pandagat nga maagi ha Strait of Hormuz mahuman hini maigo an duha nga barko nga nagprubar nga tumabok ha importante nga aragian pandagat samtang nagpapabilin nga pakyas an istoryahon nga panuyo undangan kasamok.
Naglunsar naman an Estados Unidos han panibag-o nga serye han pag-atake kontra ha Iran dida han Myerkules. Gin malatumat ni Donald Trump nga dako nga danyos an ira gindudumara mahuman niya akusaran an mga tinaglawas han Iran ha negosasyon nga gin uuwat an Estados Unidos.
Sumala kan Khatam al-Anbiya command, ginsarado na an Strait of Hormuz ha ngatanan nga klase hin sarakyan pandagat ngan anuman nga barko nga magpu-prubar nga umagi dinhi in igkokonsidera nga target.
Samtang, ginmalatumat han navy forces han Revolutionary Guards han Iran nga duha nga barko an daw ilegal nga nagprubar nga tumabok ha Strait of Hormuz an ira ginpabuthan.
