TACLOBAN CITY – Pira nga mga magpaparehistro an pakyas na nga makag-parehistro dida han Setyembre 30, katapusan nga adlaw han panrehistro.
Sumala kan Tacloban City Election Officer, Atty. Ramon Dadulla, ginhimo nira ngatanan para maakomodar an mga magpaparehistro pero dire nira akos nga mahirehistro ngatanan mahitungod nga dire kaya han ira mga tawuhan bisan paman kun doble na kadagmit han pagtrabaho han mga ine ngan dire gihapon kaya han machine an dadamo nga magpaparehistro.
Dako naman daw an oras nga igin alutaga han Commission on Election para han voter’s registration pero waray ine ma-maximize hin duro mahitungod nga dida han maiha pa an deadline han registration in guti la an mga napakadto pagparehistro.
Samtang, dida daw han katapusan na nga adlaw han panrehistro in duro lugod hin kadamo na han mga magpaparehistro kun diin ha iya pagkita hin sobra pa daw ine ha 2,000 katawo.
Dugang pa hine, nag-sobra pa daw gihapon hira ha ira nakatalaan nga oras para la mahi-rehistro an mga ine pero dire na daw kaya han system sanglit ginhuman na nira an pan rehistro bisan paman kun dire ngatanan in na-irehistro.
