TACLOBAN CITY– Padayon an ginhihimo nga monitoring han Office of the Civil Defense Regional Office 8, partikular na ha ha pira nga mga lugar nga nakaghipatik han pagpanpan han tuna, sugadman naka-abat hin mga pagbaha matungod han Low Pressure Area (LPA), nga naabat dinhi ha rehiyon.
Sumala kan Sher Rysia Saises, Information Officer,Office of Civil Defense Regional Vlll, subay ha ira nagin panginano, an mga lugar hiton Palompon Leyte, Ormoc City, Isabel Leyte, Baybay City, Matalom Leyte ngan Taft Eastern Samar, an ine in na monitor nga naka-abat hin mga pagpanpan han tuna nga pagbaha.
Ginmalatumat naman hine, nga nakaghipatik hira hin maabot 46 nga pamilya nga nanbakwit, sugad hiton Brgy. Guadalupe Baybay City, in nagkamayada hin pre-emptive evacuation kun diin nakaghipatik hira hin 26 nga pamilya, samtang ha Isabel Leyte naman in mayda 10 nga pamilya, 10 gihapon ha Matag-ob Leyte, ngan an mga ine in umabot ha pero an mga ine in nakapan-uli na ha ira mga panimalay.
Ginpaangbit pa hine, nga ha pagkayana humubas na an ga pagbaha, ngan passable na an mga karsada pakadto ha mao nga mga lugar.
Gin-abisuhan naman ni Saises, an publiko partikular na adton mga aada ha low lying areas, nga sumunod ha mga ginpapatuman nga pre-emptive measures han ira barangay.
Ginklaro naman hine nga dire bagyo an na-aabat nga pag-inuran ha rehiyon, matungod nga ine in durot la han trough han LPA.
