-- Advertisements --
TACLOBAN CITY – Nagpapabilin nga impassable an pira nga mga kakalsadahan ha Leyte nga grabe naapektaran han mga pagbaha tungod han bagyong Agaton.
Sumala kan Engr. Toribio Udtuhan, Engr. III Section Chief Inspectorate han DPWH 8, an primary road nga Maharlika Highway, partikular na an tulay ha Brgy. Hilusig, Mahaplag, Leyte in deri pwede maagian matungod ha usa nga road section nga naapektaran baha.
Gintudlok naman an Ormoc-Baybay road kumo alternatibo nga dalan para hini.
Diri pa gihapon pwede maagian an Baybay-Tacloban road ngan mayda pira nga mga landslides nga naitala ha mga karsada ha probinsya.
Ha pagkayana in padayon pa an gindudumara nga mga road clearing operation han DPWH ha mga apektado nga karsada ha bug-os nga Leyte.
