TACLOBAN CITY — Naka-eksperyensya hin diskriminasyon an pira nga mga frontliners han Eastern Visayas Regional Medical Center (EVRMC) ha butnga han hulga han COVID-19.
Sumala ha usa nga medical frontliner nga waray na magpangaran, nga mabalhin na unta hiya ngan han iya mga katrabaho ha rerentahan nga apartment ha may Naga-naga nga dapit pero ini in waray madayon matungod nga an mga kasapit nira nga unit in nadiri nga umukoy hira didto kay hira daw in medical practitioners ngan ha EVRMC pagud nagtratrabaho.
Nagpabati pa daw ha ira an usa nga residente nga kun diri hira umiwas in ini mismo an maghahakot han ira mga gamit pagawas ha mao nga apartment tungod hini
Dugang pa niya nga waray nala hira nahimo kundi umiwas dara an ira mga higamit.
Nanawagan naman an mao nga mga frontliners ha publiko nga ig-undang na an diskriminasyon ngan magkamay-ada hin konsiderasyon ha ira nga mga medical workers.
