TACLOBAN CITY– Ginkumpirma han pira nga mga ekonomista nga humitaas an utang han nasud Pilipinas, kumpara han nakalabay nga mga tuig.
Sumala kan Eastern Visayas State University, Economist Prof. Christopher Bacungan- subay ha ira panginano han 2024-2025 makikit-an nga humitaas an utang han nakalabay nga tuig.
Dugang pa hine, kanit ine ha net issuance han domestic ngan external debt, han nasud, kun diin umabot na ine ha purluminos P17.647-T.
Gindig-unan hine, nga tinuig in naumento an utang han Pilipinas 9.94% tikang ha P16.052 trillion han 2024.
Kun hihimayon, an kabug-usan nga utang ada ha 68.66 porsiyento dinhe in tikang ha domestic borrowings samtang an 31.34% in tikang naman ha foreign lenders.
Kun babasehan, hinmitaas an domestic debt hin 0.60 porsiyento kinada bulan ha P12.117 trillion tikang ha P12.045 trilyon, nga kanit ha P71.85 billion nga net government securities issuance.
Samtang an external debt naman in hinmitaas ha 0.26 porsiyento tikang ha P5.530 trillion pakadto ha P5.516 trillion hadton Oktubre.
An nasabi nga paghitaas in durot han P22.84 billion nga net loan availments, o na-offset ha P8.73 billion nga valuation adjustments matungod ha foreign exchange movements.
