TACLOBAN CITY – Ha kaluyo han pag-abri han limited face-to-face class han syudad dire la gihap makusog an pamasada han pipira nga drivers bisan paman kun 100% na an kapasidad nga gintutugot ha mga pampasaheros nga sarakyan.
Sumala kan Leo Timplado, Board of Director ngan Vice Chairman han Tacloban Marasbaras Drivers’ and Operators’ Transport Cooperative (TAMADOTCO), ha pagkayana in dire la gihapon sugad kadamo an ira mga pasaheros ha kaluyo nga nagtikang an klase han mga estudyante.
Ha kaluyo hini, in ginsisiguro naman nira nga naihahatag hin sakto an 20% discount ha mga estudyante, PWDs, ngan senior citizens nga mga pasaheros.
Gin hangyo gihap niya an mga manarakay nga studyante nga dire nakasul-ot han ira uniform ngan adton mga waray ginpapakita nga I.D. nga dire magpinakidebate ha mga drivers kun ginsusuktan man han inskato nga pamasahe.
