TACLOBAN CITY – Nangangandaman na an mga pira nga mga Chinese ha syudad hiton Tacloban para hiton pagtapo han Chinese New Year buwas nga adlaw, Pebrero 10.
Sumala kan Hon. Colai Go, Information Officer hiton Tacloban Filipino-Chinese Chamber of Commerce and Industry ngan Brgy. Chairman hiton Brgy. 41 Tacloban City, pira han mga gin aandam han mga Chinese kun naabot iton Chinese New Year in an sikat nga tikoy ngan an 13-ingredients hiton fresh lumpia kun diin iba daw ine han nakahigaraan nga lumpia hiton mga Pinoy.
Labot la daw hine in nagpipreparar gihapon hira hin paghalad ha mga ka-Santosan nga Chinese ngan ha mga kaurupdan nga tumalikod na ha kadayunan.
Damo gihapon an mga aktibidad nga pagdudumaraon para hiton pagtapo han Chinese New Year sugad nala hiton dragon o lion dance kun diin gintikangan na ine dida pa han nakalabay nga semana.
Dugang pa hine, an Year of the Dragon daw in an pinaka-special ha ngatanan han Chinese zodiac mahitungod nga nasimbolo ine hin prosperity, wealth, ngan power.
