-- Advertisements --
TACLOBAN CITY – Ginpahayag han alkalde han Lawaan, Eastern Samar nga posible nga ma extend pa an ginpapatuman nga Enhance community Quarantine o ECQ ha ira lugar kun padayun nga humitaas an kaso han COVID-19.
Sumala kan Lawaan Mayor Athene Lagrimas- Mendros, nga ini in agud nga masiguro an katalwasan han iya mga nasasakupan.
Labot la nga nakapailarum ha ECQ an bug-os nga bungto in mayda liwat mga barangay partikular na ha barangay 8 an nakapailarum ha granular lockdown.
Ha pagkayana in strikto la gihapon an lawaan para ha mga masulod-gawas ha mao nga bungto.
Mababaruan nga subay ha bag-o nga ginpagawas han DOH-8 in 13 an panibag-o nga naidugang nga kaso ha Lawaan nga pareho an mga ini in mga close contacts.
