TACLOBAN CITY – Nakaeksperyensiya hin pagmamara hin tuna an pira nga mga lugar ha Sinirangan Bisayas mahitungod hiton duro nga kapaso hiton panahon.
Sumala kan Confederation of Irrigators Association Province of Leyte, Adolfo Olaya, nga mahitungod han katsirak ngan han pagmamara han tuna in apektado iton mga parag-uma ha pagkayana kun diin, mayda na nahipatik nga mayda na nagkakamagtay nga pananom mahitungod hini.
Dugang hini nga bangin timprano yana nga aabrihan nira iton patubig ha mga irigasyon mahitungod na gihapon ha mga araba han mga parag-uma han rehiyon.
Plano nira abrihan an patubig ha bulan hiton Mayo kun diin panuyuan hini in agud mapugngan an pagmamara han mga tuna ngan makag-tanom hin sayo an mga parag-uma.
Manunumduman nga siyahan na nga ginpahibaro han Philippine Atmospheric Geophysical and Astronomical Serivces Administration o PAGASA nga makaka-eksperyensiya hin duro nga kapaso an Pilipinas ngan sugad man iton pira nga parte han Siniringan Bisayas labi na iton harani ha Dagat Pasipiko nga durot naman hiton El Nino.
