TACLOBAN CITY – Naging mapaso daw an ginbuhat nga budget hearing han Tacloban City Council.
Ini in mahuman nga kwestyunon han pira nga konsehal an report ha City Environment and Natural Resources Office (CENRO) nga daw naghabubo na an koleksyon han basura ha Tacloban tungod han programa nga solida waste management.
Sumala kan Konsehal Leo Bahin, dire hiya kumbinsido ha mao nga report han CENRO tungod nga naoobserabaran niya nga damo la gihapon an basura ha syudad nga dire nakokolekta.
Nakit-an gihapon hini nga damo nga mga barangay an waray makapagtukod hin Material Recovery Facilities (MRF) ha kaluyo nga nag-alutaga an city government hin pondo para hini.Ini daw an sadang nga igmonitor han CENRO ha kada barangay.
Samtang, usa gihapon ha problema ha pagkayana han syudad an hapit na nga mapuno nga dumping site ha norte nga kinahanglan makag-alutaga an city government hin pondo para han expansion hini.
