TACLOBAN CITY – Kanselado yana an pira nga biyahe ha pantalan han Ormoc ngan Palompon, Leyte durot han malain nga panahon.
Ha pakighimangraw han Bombo Radyo Tacloban tikang kan Seaman 2nd Mark joel dezosa han Philippine Coast Guard (PCG-Western Leyte) nga kanina han aga han makansela an biyahe han mga fastcraft nga Ocean jet ngan Supercat nga biyahe tikang Ormoc pakadto ha Cebu.
Kanselado liwat an duha nga motorized banca nga biyahe tikang Ormoc pakadto ha Pilar,Camotes.
Ha parte han Palompon, Leyte, waray naliwat ginpaglayag an mga sarakyan pandagat nga pakadto ha Kalangaman Island.
Sumala kan Dezosa nga waray tuguti nga maka biyahe an sarakyan pandagat nga ubos ha 250 gross tonage asya nakabiyahe an pira nga sakayan pandagat ha Baybay, Bato ngan Hilongos.
Pero kun ingkaso nga magin malain an panahon ngan ig isa ha Signal number 1 an Eastern Visayas kutob niyan nga gab-e in posible nga igpagbawal la anay an pagbiyahe ha tanan han mga sarakyan pandagat.
