TACLOBAN CITY – Ginpahayag han pamunuan han Pintados-Kasadyaan foundation nga temporaryo la anay nga dire magkakaada hin parada ngan kompetisyon han mga festivals tikang ha magkadirudilain nga mga lugar ha rehiyon yana nga tidaraon nga kapatrunan ha syudad.
Una hini, an Pintados-Kasadyaan Festival of Festivals in usa ha mga gindudumog nga aktibidad han mga katawhan kinada patron ha syudad han Tacloban.
Sumala kan Eugene Tan, presidente han Pintados Kasadyaan Foundation, ha kaluyo nga nakapailarom na ha alert level 1 an syudad, dire la gihapon magkakaada hin parada han mao nga mga festivals yana nga tuig tungod han pandemya sugadman tungod han kakulangan hin pangandaman o oras para han mga tribu ngan contingents hini.
Ha kaluyo hini, in dayon naman yana nga tuig an pagdumara han Miss Teen ngan Miss Pintados 2022.
Naglalaum naman an mao nga opisyal nga ha masunod nga tuig in madadayon na an pagduamara han mao nga Pintados Kasadyaan Festival of Festivals competition.
