TACLOBAN CITY – Manilampuson an pagdumara han Pintados Kasadyaan Festival, kun diin naghuman ine nga marisyo ngan malipayon an tanan na mga magkirita sugadman an mga partisipante.
Sumala kan Eugene Tan, President Pintados Foundation, nga an panuyo mangud han Pintados Festival, in maipadulot ha katawhan an kultura han tinuod nga istorya han ira mga bungto.
Nakuha naman han Tribu Buraburon han Burauen, Leyte an pwesto kumo 3rd runner-up, ngan para hiton 2nd runner-up in nahingadto ha Tribu Lingganay han Alang-alang Leyte, ngan nakuha hine an premyo nga maabot ha 300K kalakip an 15K ha choreo, ngan nakuha naman hiton Tribu Karayhakan han Javier, Leyte an 1st runner-up nga pwesto kun diin naka-karawat hira hin 600K ngan 20K naman para ha choreo.
Ginkilala naman an Grand Champion ha nasabi nga aktibidad in an Tribu Buyugan han Abuyog, Leyte, kun diin naka-karawat ine hin premyo nga maabot 800K kalakip an 25K ha choreo, kalakip naman hine nakuha gihapon nira an best in costume and best in festival music.
Nagpasalamat naman an nasabi nga opisyal, ha tanan nga mga naki-usa ha tinuig nga buruhaton an Pintados Kasadyaan Festival.
Photo Courtesy to the righful owner:
