ODD NEWS- Dinhe ha Pilipinas , nagsasarang ha kakarsadahan an mga misay nga layaw.
Kaudgan ha ira in nagkakaliligis ngan mayda gehapon mga ginpapatay matungod ha pangangawat hin pagkaon ngan mayda gehapon mga kamisayan nga gindadakop para pag-estudyuhan han mga medical school.
Ha madagmit nga istorya in waray kantidad an kinabuhi han kamisayan .
An island han Tashirojima, Japan, an kilala nga puruy-anan han mga kamisayan .
An mao nga island in naging tourist destination matungod ha kadamo han kamisayan nga aanhi nag uukoy.
Magkadurudulain nga lahi han kamisayan an aanhi, ginsisiring nga mas damo pa an mga kamisayan kumpara ha mga katawhan nga nag uukoy dinhe.
Pwede nga makapasyada an mga kamisayan ngan pwede hira nga magpadamo hin magpadamo ha mao nga lugar
Mababaruan nga waray bisan hino an pwede nga magmaltrato ha ira. Pirme naman ine nga tsinitsekap han veterinarian an mao nga mga kamisayan .
Sugadman in bawal ha mao nga island an kaayaman agud nga maatimanan hin maupay an kamisayan.
Gintutuohan nga suwerte an mga kamisayan sanglit nga duro an ira paghigugma ha mga ine.
Nagpatindog gehapon an mga tawo hin balay nga korte hin misay para magin pahuruwayan han hino man nga mabisita ha mao nga island.
