Natangal han mga doktor ha Sri Lanka an 3.1 kilogram nga bladders tone tikang ha usa nga lalaki.
Gintutudlok han mga doktor nga ini na an pinakadako nga bladder stone nga ira natanggal ha kasaysayan.
Gindumara an operasyon ha ospital ha Trincomalee ha Eastern Sri Lanka kun diin, na-confine an usa nga 55-anyos nga lalaki mahuman ini ma-stroke nga kun diin, nasabtan han mga doktor an bato ha iya urinary bladder mahuman an gindumara nga eksaminasyon ha lalaki.
Ha gindumara nga operasyon ha pasyente in natanggal nira an bladder stone nga baga-baga hin kadako han itlog hiton ostritch. Nabaruan nga nakada ha sulod na ini nga bladder stone ha lalaki hin sobra lima kutob napulo ka-tuig.
Basar ha record han Guinness, an pinakadako nga bladder stone in natanggal ha usa nga pasyente ngan natabo dida han 2003 ha Brazil nga kun diin, natimbang ini hin 1.9 kgs ngan may kahilaba nga 17.9 cm samtang an nakuha naman ha Sri Lanka in may kahilaba nga 17 cm.
