Usa nga delikado ngan makasaysayanon nga aviation feat an malinampuyon nga natuman han Italian pilot nga hi Dario Costa mahuman hiya magin pinakasyahan nga tawo nga nakagpahugdon hin eroplano ha bawbaw han naandar nga tren.
Gamit an iya Zivko Edge 540 aircraft, perpekto nga nai-landing ni Costa an sarakyan ha haligot nga runway ha pinakaurhi nga bagon han tren ugsa utro nga lumupad.
Sumala kan Costa, ine na an pinakamakuri ngan pinakadelikado nga proyekto ha iya bug-os nga karera. Samtang ginhihimo an stunt, nadalagan an tren ha kadagmit nga 120 kilometers per hour (75 mph).
Mahitungod ha anggulo han pag-ubos han eroplano ngan kadagmit han tren, nagin usa nga “blind landing” an senaryo kun diin literal nga dire nakikita han piloto an iya huhugdunan. Naglaum nala ni Costa ha iya cognitive skills, instinct, ngan focus agud maisakto an alignment han eroplano.
Labot diri makita an landing spot, ginkinahanglan gihapon nga atuhan ni Costa an turbulence ngan pabag-o bag-o nga huyop han hangin nga durot han naandar nga tren.
