TACLOBAN CITY – Usa ha mga bago nga programa han PhilHealth yana nga tuig in an implementasyon han PHILHEALTH YAMAN NG KALUSUGAN kun diin an mao nga programa in an rebranding han dati nga programa han ahensya nga “PhilHealth konsultasyon sulit at tama”.
Usa ha mga component ngan benepisyo han mao nga programa in an existing nga konsulta benefits. Kun diin, matagamtaman han mga katawhan an medical consultation, 13 free laboratory and diagnostic test, ngan 21 free medicine as prescribed by attending physician
Ma tatagamtaman naman ini nga mga benepisyo hiton mga mulupyo pinaagi han pag bisita ha mga YAKAP clinics.
Sumala kan PhilHealth Regional Office 8, Public Relations Officer Mar Zabala, an tumong han mao nga programa in maiharayo ha mga sakit an katawhan sugad man diri maghulat nga magkaada hin sakit ugsa pa man makatagamtam han mao nga benepisyo hini.
Samtang, kalakip ha mao nga programa an outpatient screening test for cancers kun diin, may ada ini 6 nga screening test kalakip na an mammography ngan breast ultrasound para ha breast cancer, Low-dose chest CT Scan para ha lung cancer, Colonoscopy para ha colorectal cancer, ngan Liver ultrasound para ha liver cancer
Kun diin, sumala kan Zabala an 6 nga screening test an gin una han PhilHealth nga tagan him coverage mahitungod nga an mao nga mga sakit in an pinakadamo nga incidents o prevalence ha nasud.
Ha lain nga bahin, mahitungod nga bago pala an mao nga benepisyo in gin uuna pala han PhilHealth nga ig pakilala ini nga programa ha mga hospitals mahitungod nga mayda an mga ini kapas nga mag hatag hin benepisyo ha mga pasyente samtang on going pa naman an pag proseso han mao nga ahensya agud ig patuman ha mga private facilities nga mag provide han mao nga benepisyo.
Ha pagkayana in gin hihingita gihapon han mao nga ahensya nga magkaada hin mga accredited hospitals and health facilities para ha mao nga programa. (via Bombo Niña Magpili)
