NATIONAL – Ha butnga han anunsyo han Department of Health kasumpay ha naghihinitaas nga kaso han dengue, igin pahinumdom han PhilHealth ha publiko nga mayda benefit package para ha dengue.
Subay pa ha PhilHealth, tikang ha anay P16,000, ada ha P47,000 na an coveragr rate ha pagpapa-ospital para ha sever dengue.
Samtang, ada ha P19,500 naman an coverage para ha mild dengue cases tikang ha anay P10,000.
An mga bag-o nga package rates para ha mga dengue in kaupod ha mga gin paupay ngan na-rationalize dida han nakalabay nga tuig subay ha direktiba ni Presidente Ferdinand Marcos Jr., nga padayon nga mapaupay ngan mapabilin an mas maupay nga health insurance coverage pata ha mga membro nga nanginginahanglan hin medical treatment.
Kadungan hine, nagpahinumdom gihapon hi PCEO Edwin Mercado ha ngatanan nga magdumara hin preventive measures ngan magpakonsulta hin timprano, labi na kun nakaka-eksperyensya hin mga sintomas hin hiranat, duro nga pagsakit hin ulo, pagsakit ha luyo han mata, pagsakit han mga kalamnan ngan kasu-kasuhan, ngan pantal ha panit.
