-- Advertisements --
TACLOBAN CITY – Personal nga nagpadangat hin bulig an Phil.Chamber of Commerce and Industry Tacloban City Leyte ha mga apektado han paglasurbo han Super Typhoon Rolly ha probinsiya han Albay.
Sumala kan Eugene Tan Presidente han Phil.Chamber of Commerce and Industry Tacloban City Leyte, nga pumakadto hira ha may parte han Tiwi, Albay nga usa ha pinakagrabe nga naapektaran han mao nga super typhoon.
Kaupod han ira mga ginpanhatag in mga food packs, groceries, mayda mga roofing materials, panapton ngan iba pa nga magkalain lain nga hinabang.
Labot la ha panhatag hin hinabang in nagpadangat gihapon hira hin pagpapasalamat ha mao nga rehiyon nga usa ha naghatag hin bulig dida han paglasurbo han Super Typhoon Yolanda dinhe ha Rehiyon otso.
