NATIONAL – Gin abrihan han Philippine Air Force ngan US Pacific Air Force (US-PACAF) hin $2.7 million fuel storage facility ha Brig. Gen. Benito N. Ebuen Air Base ha Lapu-Lapu City, Cebu.
An nasabi nga pasilidad in usa ha mga Enhanced Defense Cooperation Agreement (EDCA) site ha nasud.
Duha nga storage tanks an ada ha ilarom hine kun diin kada tanke in mayda kapasidad nga 75,708 liters.
Mayda gihapon ine moderno nga fuel handling system. covered area para ha mga truck nga magdudumara hin refueling, ngan iba pa nga kagamitan nga sakto ha security and safety standards.
Sumala kan PAF spokesperson Col. Ma. Consuelo Castillo, an mga bag-o nga pasilidad in ada ha strategic location para ha air ngan land assets han PAF.
Syahan nga gintikangan an proyekto dida han Hunyo 22, 2022 ngan nakompleto dida han nakalabay nga tuig pinaagi han pondo nga igin alutaga han US.
