NATIONAL – Igin anunsyo han Bureau of Corrections (BuCor) nga pagbubuhaton ha Puerto Princesa, Palawan, an ika-2 nga ASEAN Regional Correctional Conference tikang ha Pebrero 14-17, 2025.
An katitirok nga mayda tema nga “Shaping the Future of Corrections Together,” in magtitirok kasupod an mga leader tikang ha mga correctional services han ASEAN agud pag istoryahan an mga ayat ha sistema han presuhan, magpaparte hin mga hibaro agud mabuligan an pagpapaupay han correctional system ha rehiyon.
Sumala kan BuCor Director General Gregorio Pio Catapang Jr., kaupod ha mga paghihingadayan ha summit an mga judgement o kaso agud malikayan an ihap han nga nakapreso, mga programa ha rehabilitasyon para ha malinampuson nga reintegration han mga inmate ha kumunidad, digital transformation ha pagmamangulo han presuhan, ngan pagpapaupay han dokumentasyon ngan pagbabalyuay han datos para ha mas klaro ngan epektibo nga sistema.
Labot ha mga tinaglawas tikang ha 10 nga nasud han ASEAN, maatender gihapon an mga ambassador tikang ha dire maubos ha 28 nga global organization sugad han United Nations Office on Drugs and Crime, International Committee of the Red Cross, ngan European Union’s Justice Sector Reform Program.
Ine an syahan nga higayon nga magho-host an Pilipinas han nasabi nga conference.
