TACLOBAN CITY – Usa nga insidente hin pamusil an nahipatik ha may new diversion road ha Brgy. San Victor, Tanauan, Leyte.
Ginkilala an biktima kan alyas Dal, residente han Dagami, Leyte, ngan an suspek naman kan alyas Leo, driver han motor, ngan an back ride hine nga waray pa kakilal-e.
Sumala kan Tanauan Municipal Police Station OIC Chief of Police, PCpt. Faith Yane Aseo, usa nga concerned citizen an tumawag ha ira buhatan kasumpay han pamusil kun diin dayun naman ine nga gin aksyunan han nasabi nga presinto. ]
Basar han inisyal nga imbestigasyon, tikang an biktima ha bulangan ha Tolosa nagmamaneho han iya motor tipakadto na ha Dagamit han mapansin hine nga ginsusundan hiya han riding-in-tandem nga mga suspek.
Kun diin, dida han kapansin hine in tigda nala ine nga ginpusil han mga suspek gamit an improvised shotgun o sumpak, kun diin nag-angkon ine hin inig-an ha luyo nga parte han lawas hine.
Dayun naman ine nga narespondehan ngan gindara ha Eastern Visayas Medical Center (EVMC) han mga personahi han Tabon Tabon MPS para han kadagmitan nga atensyon-medikal.
Samtang, umiskapo naman ha waray katudlok nga direksyon an mga suspek.
