TACLOBAN CITY – Gindumara han Department of Tourism Region 8 an Kanta Binisaya Book and Logo Launching, kakulop nga adlaw, Enero 31, pinaagi han pakigbinuligay ha lokal nga pangobyernuhan han Palo, Leyte Normal University, University of the Philippines-Tacloban, ngan usa nga partylist.
Sumala kan Kanta Binisaya Author and Arranger, Dr. Stephen Q. Lagarde, panuyuan han nasabi nga aktibidad nga ig-promote an mga Binisaya nga kanta ha rehiyon ngan sugadman ig preserve an mga cultural heritage ha Sinirangan Bisayas.
Ine in agud dire gihapon mahingalimtan ngan mahibayaan ha pagbabag-o han panahon an mga kadaan nga kanta han rehiyon, ngan makilala gihapon ine dire la ha sulod han Sinirangan Bisayas kundi ha bug-os ha nasud ngan magin ha kalibutan.
Samtang, ha lain nga bahin in nagpasundayag gihapon han ira talento pinaagi han pagkanta hin pira nga mga Binisaya nga kanta an LNU Harmonic Singers, sugad hiton Huyuhoy, Eastern Visayan Medley II, ngan Man Badul. (via Bombo Shiela Encio)
