BORONGAN CITY – Pagdudumaraon an PetNaSikat Season 3 Dog Contest yana nga Myerkules, Marso 26, alas-8 hiton aga ha a Fun Borongan Plaza, Baybay Boulevard, Borongan City kumo pagselebrar han Rabies Awareness Month, ha pakig-kolobarasyon ha Provincial Health Office, City Veterinary Office, ngan City Health Office.
Kasumpay hine, gin iimbitar ni Assistant Provincial Veterinarian and Provincial Rabies Coordinator, Dr. Melanie Osita, an ngatanan nga mayda pet nga ayam nga makiusa ha nasabi nga dog contest.
Mayda naman lima nga kategorya an pagpipilian, amu an:
- • Early Dog Award, an pinaka-syahan nga magdadará han iya dog ngadto han venue, an magigin winner;
- • Best Dog on Tricks Award, an makakasunod nga dog han ‘commands, mayda ighahatag nga award;
- • Best in Costume Award, pinaagi hit tema nga beach attire;
- • Best in Tandem Award, an pinaka-maupay nga costume han dog ug pet owner; ngan an
- • Judges Choice Award, an pangkabug-usan nga performance han dog, base han behaviour, grooming, tricks.
An major prizes naman in medal, usa ka-sako hin dog food, gift packs, multivitamins, deworming, shampoo, ngan gift certificates.
Samtang, nagdumara naman anay hin pre-registration agud mahibaruan kun bakunado kontra ha rabies an pet nga mabulig, ngan kumo usa ha mga kwalipikasyon han paisan-isan. (via Bombo Shiela Encio)
