TACLOBAN CITY – Mismo an dati nga Hepe han Albuera Police in nalipay han naging desisyon han Senado bahin han pagpapasibak ha pwesto kan CIDG-8 Chief Col Marven Marcos nga nanguna han natabo nga operasyon ha Baybay Provincial Jail ngan nagresulta ha pagkamatay han dati nga Albuera Mayor Rolando Espinosa.
Sumala kan PCInsp Jovie Espenido, dati nga Hepe han Albuera PNP nga nalilipay ini nga bisan patiunan-o in magkakamay-ada na kaklaruhan ha publiko ngan sugad man ha pamilya Espinosa nga waray umato hi an mao nga alkalde ha mga otoridad.
Dugang pa ni Espenido nga klaro daw nga tinuod nga may kasaypanan an grupo ni Col Marcos.
Nagpapakita dawla an ginbuhat han grupo han CIDG-8 dida han nakalabay nga Nob 5 2016 nga diri maupay nga pagkakatrabaho han gobyerno.
Sumala pa hini nga dapat diri la an grupo han CIDG-8 an mapagbatun kundi pati naliwat an mga nagpapaluyo han plano nga pagpatay kan Mayor Espinosa.
“Ako in nalipay nga nasugad ito, kun pwede pa ngani nga ig-upod an na-involve na mga kaupod nira ha pagpatay kan Mayor Espinosa, iupod. Kung Ako pa huwes ana, ako i-upod sa death penalty basi mahuman na”, sumala kan Espenido
Waray naman malikayi hini nga mangunugon mahitungod damo an impormasyon nga pupuydi ibuyagyag han mao nga Alkalde mahuman ini nga makapagbuligay ha mga otoridad pero ini in nasayang matungod mayda pipira nga mga katawhan nga nagpahuyo ini.
Manunumduman nga hi Espenido in nanguna ha kaso han Pagpuypuy han Illegal drug Activities han Pamilya Espinosa ha Albuera, Leyte.
