TACLOBAN CITY- Maabot na ha sobra P100M, an naipanhatag nga indemnity hiton Philippine Crop Insurance Corporation PCIC-8, ha mga parag-uma han rehiyon nga naapektaran han bagyong Kristine.
Sumala kan Philippine Crop Insurance Corporation PCIC-8, Marketing and Sales Division, Benita Alberto, nga an nasabi indemnity payment in tinikangan han bulan hiton Enero-Nobyembre.
Ginklaro hine nga ine nga an nasabi nga salapi nga naipanhatag in ha pantag pala hitog agrikultura.
Ginmalatumat naman ni Alberto, nga ha pagkayana an ira kapot nga datos in ada ha 5,077 nga mga parag-uma an apektado han bagyong Kristine, kun diin an mga ine in taga- Samar, Western Samar, Northern Samar, ngan Eastern Samar.
Dugang pa hine, nga ha nasabi nga ihap an pinakadamo adton mga parag-uma hiton humay kun diin ada an mga ine ha 2,189 nga indbidwal.
Samtang ada naman ha 2,068 an ihap han mga apektado nga parag-uma hiton high-value crops.
Maabot naman ha 67 iton ihap han mga parupangisda an apektado han nasabi nga bagyo.
Ginpatapod hine, nga ugsa mahuman an bulan hiton Nobyembre in huhumanon nira panhatag hiton indemnity ha nasabi nga mga parag-uma nga apektado han TD Kristine.
