Nagdig-on an Philippine Coast Guard (PCG) nga magpapadayon la an ira organisasyon ha pagdudumara han ira nga transparecy initiatives ha kaluyo han mga nagtitika-grabe nga pahayag ngan kampanya han Chinese Embassy kasumpay ha territorial disputes ha butnga han Pilipinas ngan China ha West Philippine Sea.
Sumala kan PCG Spokesperson for the West Philippine Sea Commodore Jay Tarriela, ha kaluyo han mga pahayag han China kasumpay ha paghitaas han tensyon ha WPS agud matagan hin hustisya an ira mga ilegal nga aktibidad ha nasabi nga katubigan nga sakop han nasud, in dire ginkakapoy an PCG ngan iba pa nga kasugbong nga ahensya para ha pagpapasarang han hibaro ngan pagkilala ha mga Pilipino kasumpay ha tinuod nga sitwasyon ngan kabutanga ha WPS.
Labot pa hine, suportado gihapon ni Tarriela an mga pahayag ni Presidente Ferdinand Marcos Jr. nga an pagpapalayas ha mga Chinese diplomats nga anhi ha nasud an ira magigin ‘last resort’ in kaso dire la gihapon umundang an mga online clash nga ginbabatak han Chinese Embassy.
Samtang, ha kaluyo han mga magpaso nga batunay nira han embahada ha social media platforms in magpapabilin daw an ira pagbaton ngan pagkilkala ha katungod han Pilipinas ha mga teritoryo nga sakop han exclusive economic zone (EEZ) hine.
