NATIONAL – Nagdeploy an Philippine Coast Guard han rigid hull inflatable boats (RHIBs) tikang ha BRP Teresa Magbanua para buligan an Bureau of Fisheries and Aquatic Resources (BFAR) ha panhatag han fuel assistance para ha mga paru-pangisda nga Pilipino nga ada ha Sabina shoal ha West Philippine Sea.
Ine in kasumpay ha direktiba ni PCG Commandant Admiral Ronnie Gil Gavan ha PCG District Palawan nga may panuyo nga masigurado nga magkamay-ada hin access ha lana an mga paru-pangisda samtang nakadto ha offshore fishing grounds hin waray panginsulod ha bisan anu nga partido kaupod an Chinese Coast Guard.
Iginpaangbit ni PCG spokesperson for the West Philippine Sea Jay Tarriela ha iya X account nga naghatag hin security, safety, ngan facilitation assistance an inflatable boats han PCG ha aktibidad han BFAR.
Epektibo gihapon nga nabalabgan han inflatable boats an pagprubar han Chinese Coast Guard nga makadaop ha BFAR vessels.
