TACLOBAN CITY – Nanhatag hin withrawal slip para ha hybrid coconut seedlings an Philippine Coconut Authority ha syahan nga adlaw han Bagong Pilipinas Serbisyo Fair kakulop nga adlaw, Agosto 2.
Sumala kan Joel Pilapil, Regional Manager hiton Philippine Coconut Authority Regional Office 8, an nasabi nga mga seedlings in dire nala an mga natural nga tumos kundi an ginpag-timpo ine nga klase han habubo ngan hitaas nga lubi.
An tall o hitaas nga lubi in an maiha mamunga nga klase hin lubi pero dagko an bunga, samtang an dwarf o habubo naman nga labi in an madagmit mamunga nga klase hin lubi pero gudti an bunga.
An ginlalauman naman nga variety o klase han lubi nga igbubunga han nasabi nga mga hybrid nga tumos in dagko nga lubi ngan damo an bunga han usa ka puno.
Kinahanglan la naman nga igpakita ha in-charge han nursery site an mga withdrawal slip kun diin andam na daw ine ha panhatag.
Labot la han hybrid nga tumos nga ighahatag in may kaupod na gihapon ine nga abuno mahitungod nga an pagtanom han nasabi nga tumo in kinahanglan nga may upod na nga abono.
