NATIONAL – Suportado ni Presidente Ferdinand Marcos Jr. an nakatalaan nga pagdeklara han Department of Agriculture (DA) nga Food Security Emergency on rice ha nasud.
Ha usa nga ambush interview ha Leyte kakulop nga adlaw, ginpahayag han presidente nga ginhuhulat nala nga pormal nga makarawat han Department of Agriculture an rekomendasyon ha masunod nga semana.
Pag eksplikar pa hime, hihimuon an nasabi nga pitad agud gumana hin sakto an merkado ha presyuhan han bugas.
Dugang pa hine, ha kaluyo han mga pitad han gobyerno in dire la gihapon naubos an presyo han bugas.
Dire na daw nakakasunod ha law of supply and demand an merkado.
Sanglit kinahangkan na daw nga pwersahan nga mapahamubo an presyo han bugas ngan siguraduhon nga nagan hin mapay an presyuhan ha mga merkado.
Mayda daw gihapon ilegal nga paghitaas han presyo han bugas sanglit iimbetigaran ine han Kamara.
