NATIONAL NEWS– Ginpangunahan ni Pangulong Ferdinand Marcos Jr. An paghatag hiton bukad ha monomento ni Dr. Jose Rizal ha Luneta Park, Manila para ha pagdumdom han ika-129 anibersaryo han Rizal Day.
Kaupod han Pangulo an iya pamilya ha pag-atinder han importante nga aktibidad.
Ginpaangbit hine nga an kinabuhi ni Rizal in padayon nga naghahatag hin giya ngan kusog ha mga Pilipino.
Subay ha Pangulo, kinahanglan igkinabuhi han mga Pilipino an mga importansya nga iginpakita han pambansang bayani sugad han paghigugma ha nasud, kamatuoran ngan kaisog nga maninidugan ha sakto nga pamaagi.
Gin-aghat gihapon hine an mga kabataan nga pag-usahon an patriotismo ha responsible nga pagigin Pilipino.
Gintagan duon ni Marcos nga an integridad ngan responsibilidad in importante nga karakter han mga lider nga ginlalauman han ngatanan.
An pagdumdom in nagserbi nga pahinumdom han mga leksyon ni Rizal nga kinahanglan igpabilin yana nga henerasyon.
Nanawagan naman an Pangulo nga himuon nga inspirasyon hin Rizal ha padayon nga pagduso hiton hustisya ngan mainuswagon nga komunidad.
