Iginmando ni Presidente Ferdinand Marcos Jr. ha iya legal team nga pag-adman an pagtudlok kan Baguio City Mayor Benjamin Magalong kumo special adviser ha Independent Commission for Infrastructure (ICI), nga ginbug-os agud imbestigahan an maanomaliya nga infrastructure projects ha nakalabay nga 10 katuig.
Ine in mahuman nga lumutaw an posible nga isyu ha conflict of interest ha papel ni Mayor Magalong ha independent commission ngan kumo presente nga alkalde.
Sumala kan Palace Press Officer USec. Atty. Claire Castro, gin aadman na han legal team an nasabi nga istoryahon agud malikayan an pagtalapas ha balaod.
Ginkikita daw gihapon han mga abogado kun diin mas maupay nga igbutang o ig upod hi Mayor Magalong agud mapabilin an independence han komisyon.
Manunumduman nga syahan nga gintudlok han Presidente hi Mayor Magalong kumo special advisor ha ICI mahuman nga magpresenta an alkalde han iya kalugaringon nga nakuha nga mga impormasyon o datos ngan imbestigasyon ha daw anomaliya ha flood control projects ha iya nasasakupan.
