TACLOBAN CITY – Patay na han makit-an an usa nga lalaki ha Port area luyo hin usa nga dako nga kaunan ha syudad han Tacloban banda alas tres han aga kanina.
Subay ha imbestigasyon, nakasul-ot hin brown nga sando an biktima ngan ada ha 40-50 anyos an
pangidaron.Dugang pa hini, gintutuuhan nga nakainom o hubog an mao ngan biktima. Posible daw nga ini ginkastigo o natumba tungod han kahubugan.
Sumala naman han usa nga tindera nga nakakita han mao nga biktima nga daan daw nga hubog han
kumada ha iya tindahan an mao nga biktima ngan mayda pa hini mga kaupod banda alas dose han nagsisira na hira han ira tindahan.
Pamatian ta pa an pamahayag han mao nga witness
Mahibabaruan nga kaupod han mga nakit-an nga higamit han biktima an P2,000 nga kantidad hin salapi,
ngan cellphone.
Ha pagkayana, in waray pa kakilal-i an mao nga biktima ngan diri pa sigurado kun ini residente han
Tacloban pero padayon an ginbubuhat nga imbestigasyon han mao nga insidente.
